Misión

Amosando la Igualdá ye una asociación de profesionales na Promoción de la igualdá de Xéneru, ensin ánimu d'arriquecimientu, que representa a esti colectivu énte les entidaes públiques, privaes y concertaes. Promueve'l desarrollu efectivu del principiu d'igualdá d'oportunidades ente muyeres y homes y la so tresversalidá en tolos ámbitos de la sociedá, y xenera espacios de formación y desarrollu pal personal especializáu en particular y pa tola comunidá en xeneral. 

La consecución d'esta misión va llevase a cabu al traviés del impulsu d'esta figura profesional. 

Visión

Como profesionales de la Promoción de la Igualdá de xéneru aspiramos a: 

• Ser referentes nel Principáu d'Asturies en cuanto a la defensa del enfoque de xéneru en tolos ámbitos, especialmente nos de la salú, la corresponsabilidá y lo llaboral, como camín hacia la xusticia social.
• Ser una organización xeneradora de pensamientu críticu y secundando esti con acciones tresformadores na comunidá que promuevan una convivencia diversa, sostenible y xusta.
• Convocar al talentu humanu disponible que comparta la misión, la visión y los valores d'esta asociación.

Valores

• Somos una asociación feminista y transactivista
• Promocionamos l'usu de la llingua asturiana
• Apoyamos la diversidá en tola so pluralidá, con especial atención a la interseccionalidad
• Creyemos na necesaria abolición del sistema prostitucional
• Apostamos pola sostenibilidá medioambiental y social, nun mundu pacifista y antifascista